बालसाहित्य सर्जकहरू सम्मानित

उद्रघाटन समारोहमा विविधतायुक्त भेषमा बालबालिकाद्वारा रा्ष्ट्गीत प्रस्तुत

पाल्पा, तानसेन, २०६७ फागुन १४ र १५ गते (२६ र २७ फेब्रुअरी, १९६७) । नेपाल बालसाहित्य समाजको २१ औँ अधिवेशन पाल्पा, तानसेनमा सम्पन्न भयो । कार्यक्रमका मुख्य पाहुना नेपाल प्रज्ञा प्रतिष्ठानका उपकुलपति गंगाप्रसाद उप्रेती हुनुहुन्थ्यो । समाजका अध्यक्ष रामबाबु सुवेदीको अध्यक्षतामा भएको उद्घाटन कार्यक्रममा अगुवा बालसाहित्य सर्जक तथा सेवक शान्तदास मानन्धरलाई तथा दशकौँदेखि पुस्तकहरूमा चित्र लेख्दै आउनु भएका सुपरिचित चित्रकार टेकबीर मुखियालाई दोसल्ला ओढाएर सम्मान गरिएको थियो ।

नगर पालिका भवन प्रांगणमा पाल्पाको प्रतीक करूवा अगाडि बालसाहित्य लेखिकाहरू

सो अवसरमा वर्षभरि प्रकाशित बालपुस्तकहरूमध्ये सबैभन्दा राम्रो पुस्तक लेख्ने गंगा पौडेल र स्नेहा श्रेष्ठ तथा बालपुस्तकमा सबैभन्दा राम्रा चित्र लेख्ने कलाकार कृष्णगोपाल श्रेष्ठ र नारायणप्रसाद बोहजूलाई दसदस हजार नगद पुरस्कारसहित सम्मान गरिएको थियो ।

बालसाहित्य समाजले नेपाली भाषाबाहेक विभिन्न भाषामा बालपुस्तक लेखन परियोजना संचालन गरेको छ । यसै अन्तर्गत तामाङ भाषामा राम्रो बालपुस्तक तयार पार्ने नुवाकोट, त्रिशुलीका धनबहादुर तामाङ, मगर भाषामा लेख्ने म्याग्दीका बालकुमार रोका र थारु भाषामा लेख्ने चितवन, सौराहाका बन्धु चौधरीलाई नगद पुरस्कार र प्रशंसापत्र दिएर सम्मान गरिएको थियो ।

उद्घाटनकै मेसोमा नेपाल बालसाहित्य समाज तथा अन्य प्रकाशनले प्रकाशन गरेका नौ वटा बालपुस्तक र्सार्वजनिक गरिएका थिए । मराठी भाषाको बालपुस्तक पनि सार्वजनिक गरिएको थियो ।

ख्यातिप्राप्त बालसाहित्य सर्जक शान्तदास मानन्धरलाइ सम्मान

बालसाहित्यका विविन्न विधा र प्रवृत्तिबारे छलफल

सम्मेलनको पहिलो सत्रमा बालसाहित्यका विभिन्न विधाबारे कार्यपत्र प्रस्तुति र छलफल भयो । पाठ्यपुस्तकमा बालसाहित्यको प्रयोग विषयमा प्रा.डा. महादेव अवस्थिले, बालसाहित्यको बदलिँदो प्रवृत्ति विषयमा विनय कसजूले, बालबालिकामा कथाको प्रभाव र कथावाचनका तत्व एवं प्रक्रिया विषयमा ध्रुव घिमिरेले, नेपालीमा किशोर साहित्य विषयमा डा. चूडामणि बन्धुले, नेपाली किशोर साहित्यः किशोरकिशोरीको चाहना र प्रवृत्ति विषयमा सौरभकिरण श्रेष्ठले, बालपुस्तकालयः परिचय, उपादेयता र विचारणीय पक्ष विषयमा इन्द्रप्रसाद अधिकारीले, नेपाली बालगीतको परिचय र यसका प्रवृत्ति विषयमा डा. कुसुमाकर न्यौपानेले, २०६६ सालमा प्रकाशित नेपाली बालसाहित्य कृतिहरूको अध्ययन विषयमा अनन्तप्रसा

बालसाहित्य सजर्क गंगा पाैडेललाइर् पुरस्कार

सुपरिचित चित्रकार टेकवीर मुखियालाइ सम्मान

द वाग्लेले र मराठी बालसाहित्यका विषयमा श्याम कुरले कार्यपत्र प्रस्तुत गर्नु भएको थियो ।

सम्मेलनको दोस्रो सत्रमा स्थानीय विद्यालयका विद्यार्थीहरूमाझ हस्त लिखित बाल भित्तेपत्रिका, कविता, कथा, निवन्ध, चित्रकला आदि विभिन्न विषयका प्रतियोगिताहरू भएका थिए । उत्कृष्ट सहभागीहरूलाई पुरस्कार र प्रमाणपत्र पनि दिइएको थियो ।

सो अवसरमा धवल पुस्तकालयमा विनय कसजू र गंगा कसजूको सहयोगमा स्थापना भएको बालसाहित्य कक्षको उपकुलपति गंगाप्रसाद उप्रेतीले उद्घाटन गर्नु भएको थियो ।

सम्मेलनमा नेपालका एक सय जनाभन्दा धेरै बालसाहित्य र्सजक तथा चित्रकारहरूले भाग लिएका थिए । भारतको महाराष्ट्रबाट केही मराठी भाषाका बालसाहित्यकारको पनि उपस्थिति थियो । सम्मेलनको स्थानीय आयोजना/व्यवस्थापन पश्चिम नेपालको ऐतिहासिक धवल पुस्तकालयले गरेको थियो । उद्घाटन कार्यक्रम तानसेन नगर पालिकाको सभाकक्षमा भएको थियो भने अरू सबै कार्यक्रम धवल पुस्तकालयको प्रांगणमा भएको थियो ।

दोस्रो दिनको कार्यक्रम सकिएपछि साहित्यकारहरूलाई नमुना गाउँ विकास समितिको दमकडामा लगेर विभिन्न परिवारमा बास बस्ने व्यवस्था गरिएको थियो । दमकडास्थित दृष्टिविहीनहरूको विद्यालयमा विद्यार्थीहरूले सुरिलो स्वरले मार्मिक गीत गाएर साहित्यकारहरूको स्वागत गरेका थिए । सम्पूर्ण कार्यक्रममा सक्रिय धवल पुस्तकालय परिवार विशेष गरी सचिव राजेश अर्याल र अध्यक्ष युवराज पौडेलको सित्रफयाता पाहुनाहरूकालागि अविस्मरणीय रह्यो ।

नवजीवन अामा समूह द्वारा संचालित सामुदायिक बालविकास पुस्तकालय

चैत २८ गते । “बालबालिकालाई असल नागरिक बनाउन आमाहरूको सत्प्रयास” को उद्देश्य र कार्यक्रम लिएर ललितपुर, सानेपा, साँचलमा आमाहरूले नवजीवन आमा समूह र सामुदायिक बालविकास पुस्तकालय खोलेका छन् । आमा समूहको उद्घाटन आमा छोरी सुबिना र सुजिता तण्डुकार तथा श्रीअंश, अभिनव, अमित र अन्य बालबालिकाले संयुक्त रुपमा गरेका थिए । सोही कार्यक्रममा टोलकी समाजसेवी वयोवृद्ध महिला माइली आमाले बालपुस्तकालयको उद्घाटन गर्नु भएको थियो ।

अअामा छोरीबाट अामा समूह उद्घाटन

आमाहरूको माध्यमबाट बालबालिकाको भविष्य उज्यालो बनाउनु नवजीवन आमा समूहको उद्देश्य रहेको छ । महिलाहरू मिलेर बालबालिकालाई असल तथा सक्षम नागरिक बनाउनका लागि केही गरौँ भन्ने भावनाले प्रेरित भए यसको गठन भएको हो । यसले बालबालिकालाई खुशी, सुखी र आत्मनिर्भर बनाउन तथा उनीहरूको भविष्य समृद्ध र सुरक्षित बनाउन आमाहरूलाई बालबालिकाको लालनपालन (प्यारेन्टिङ), आयआर्जन तथा जीवनका लागि उपयोगी सीप सिकाउन यसले विभिन्न कार्यक्रम गर्न लागेको छ ।

यसले पहिलो काम सामुदायिक बालविकास पुस्तकालय स्थापना गरेको छ । यो पुस्तकालय पुस्तक जम्मा गर्ने र पुस्तक सापटी दिने तथा पुस्तक पढ्ने परम्परागत पुस्तक भन्दा फरक छ । यो पुस्तकालयमा एकातिर बालबालिका रमाउने, खेल्ने, विभिन्न सीप सिक्ने, आफ्नो समाज, संस्कृति र देशलाई बुझ्ने र सम्मान गर्न सिक्ने र असल र सक्षम नागरिक बनाउने अवसर पाउँछन् भने अर्कोतिर आमाहरूले आफ्ना सन्तानलाई असल, जिम्मेवार र योग्य नागरिक बनाउने, बालबालिकाको सही तरिकाले लालनपालन गर्ने, आयस्रोत बढाउने, सुखी जीवनका लागि आवश्यक सीप सिक्ने र आफै सक्षम र सबल हुने अवसर पाउँछन् ।

उद्घाटन कार्यक्रममा सहभागीहरू

नवजीवन आमा समूह उद्घाटन समारोहमा देश र समाजलाई योगदान दिएका ख्यातिप्राप्त व्यक्तिहरू, कवि, साहित्यकार, कलाकार तथा समाजसेवीहरू उपस्थिति भएर महिलाहरूको यो प्रयासको सराहना गर्दै यसलाई दिगो बनाउन सुझाव र सल्लाह दिनु भएको थियो । कार्यक्रम समूहका अध्यक्ष प्रा.डा. श्रीमती जीवन श्रेष्ठको अध्यक्षतामा भएको थियो । सचिव गंगा कसजूले समूहको परिचय दिँदै यसले गर्ने विभिन्न कार्यक्रमका बारेमा प्रकाश पार्नु भएको थियो ।

स्रोतः हाम्रो बालबगैँचा मासिक, बैसाख, २०६८

किशोर साहित्यको अभाव पूरा गर्न परामर्श

ललितपुर, २०६७ मंसिर १३ गते (३० नवेम्बर २०१०)

परामर्श बैठकमा विश्वम्भर चंचल, विनय कसजू, गीता केशरी, डा. चूडामणि बन्धु र रामबाबु सुवेदी

साझा शिक्षार् इ-पाटी (ओपन लर्निङ एक्चेन्ज, ओएलई नेपाल) को परामर्श दाताहरूको बैठकले नेपाली बालसाहित्यमा किशोर साहित्यको अभावलाई दृष्टिगत गर्दै किशोर साहित्य प्रवर्द्धनका लागि किशोरहरूको समस्या पहिचान गरी हाल विश्वमा प्रचलित नवीनतम र प्रभावकारी शैलीले किशोर साहित्य सिर्जना गर्नका लागि सेमिनार र वर्कसप गर्ने निधो गर्यो । हाललाई नौ दश कक्षामा पढिरहेका र कलेज जाने तयारी गरिरहेका किशोरहरूलाई लक्षित गरी किशोरसाहित्यको सिर्जनामा ध्यान दिई किशोर साहित्य लेखन कार्यशाला आयोजना गर्ने निधो भयो । त्यसअघि किशोर साहित्यको महत्व र आवश्यकता तथा किशोरहरूका समस्याबारे बुझ्न विभिन्न क्षेत्रका व्यक्तिहरूलाई बोलाई गोष्ठी गर्ने निधो भयो । गोष्ठीमा छलफलका लागि डा. चूडामणि बन्धुले नेपालमा किशोर साहित्यको अवस्थाबारे अवधारणा पत्र तयार पार्ने तथा बालसाहित्य र्सजक विनय कसजूले किशोरहरूका समस्या तथा विश्वमा प्रचलित आधुनिक किशोर साहित्यको प्रवित्ति र शैलीबारे कार्यपत्र प्रस्तुत गर्ने निर्णय भयो । परामर्श बैठकमा डा. चूडामणि बन्धु, विनय कसजू, गीताकेशरी, रामबाबु सुवेदी, विश्वम्भर चंचल र ध्रुव घिमिरे हुनुहुन्थ्यो । साझा शिक्षा- इ-पाटीका तर्फाट कार्यकारी प्रमुख रवि कर्माचार्य तथा कार्यक्रम संयोजक गणेश घिमिरे र गौरव थापा हुनुहुन्थ्यो । (चित्र ओर्एलई नेपालबाट साभार)

यस विषयमा विस्तृत जानकारीका लागि यो ब्लगमा हर्ेन सक्नु हुन्छ ः -http://blog.olenepal.org/index.php/archives/377

किशोर साहित्य सेमिनार

काठमाडौँ, २०६७ पुस ७ गते (२२ डिसेम्बर २०१०)

साझा शिक्षार् इ-पाटी (ओएलइ नेपाल) को आयोजनामा किशोर साहित्य सिर्जनाका लागि गोष्ठी र कार्यशाला आयोजना गर्ने निर्णय अनुसार पहिलो कार्यक्रम किशोर साहित्य र किशोरहरूको समस्याका बारेमा गोष्ठी रसियन सेन्टर फर साइन्स एन्ड टेक्नेलोजीको कन्फरेन्स हलमा सम्पन्न भयो ।

डा. चूडामणि बन्धु

विनय कसजू

सुरुमा कार्यकारी प्रमुख रवि कर्माचायले साझ शिक्षार् इ-पाटी र इपुस्तकालयका बारेमा जानकारी दिएपछि डा. चुडामणी बन्धुले नेपाली किशोर साहित्यको अवस्था र आवश्यकता तथा किशोरहरूको समस्याबारे प्रस्तुत गर्नु भयो । त्यसपछि विनय कसजूले नेपालमा किशोर साहित्यको आवश्यकता महसुस गरी शिक्षार् इ-पाटीले यसबारे काम गर्न लागेकोमा धन्यवाद दिँदै गोष्ठीको उद्देश्यमाथि प्रकाश पार्नु भयो । उहाँले किशोर साहित्यको उद्देश्यबारे चर्चा गरेपछि विभिन्न देशमा नयाँ परिस्थितिमा किशोरका परिवर्तित समस्या र नेपालको अवस्थाबारे प्रस्तुत गर्नु भयो । गोष्ठीमा सहभागी साहित्य र्सजक, शिक्षक, अभिभावक, युवाहरू तथा किशोरहरूले किशोर समस्या र किशोर साहित्यका बारेमा आफ्नो धारणा र सुझाव राख्नु भयो । सहभागीहरूले उठाएका प्रश्नहरूको विनय कसजूले जवाफ दिनु भयो । कार्यक्रममा नेपाली किशोरहरूका कतिपय समस्याहरू स्पष्ट भए । विद्यार्थी मनिन्द्र कुमार बज्राचार्यले ११ जना किशोरहरूसँग अन्तरवार्ता लिएर किशोरहरूका समस्याबारे आफ्नो अध्ययनको सार प्रस्तुत गर्नु भएको थियो ।

यस विषयमा विस्तृत जानकारीका लागि यो ब्लगमा हर्ेन सक्नु हुन्छ ः -http://blog.olenepal.org/index.php/archives/389

किशोर साहित्य लेखन कार्यशाला १

नगरकोट, २०६७ माघ २१ र २२ गते (४ र ५ फेब्रुअरी, २०११)

साझा शिक्षार् इ-पाटी -ओएलइ नेपाल) मा माघ ४ गते (१८ जनवरी) को परामर्श बैठकले नेपालमा किशोर साहित्य र्सजना गर्ने कार्यशालाको समय तालिका, पाठ्यक्रम आदिका वारेका गरेको निर्ण्र्ााअनुसार किशोर साहित्य लेखन कार्यशालाको पहिलो चरण माघ २१ र २२ गते नगरकोट स्थित फार्म हाउस होटेलमा सम्पन्न भयो ।

नगरकोटको फार्म हाउसमा किशोर साहित्य लेखन कार्यशाला

कार्यक्रमका सहजकर्ता तथा स्रोतव्यक्ति विनय कसजूले पहिलो सत्रमा किशोर -यंग अडल्ट, टिनेजर, एडोलिसेन्ट) को परिभाषा र परिचय, उनीहरूमा हुने शारीरिक, मानसिक, बौद्धिक, संगेगात्मक तथा सामाजिक परिवर्तन र विकासका बारेमा बताउनु भयो ।

दोस्रो सत्रमा किशोर साहित्यको परिभाषा र परिचय, यसको उद्देश्य, महत्व, भूमिका तथा पहिचानबारे प्रकाश पारिएको थियो । त्यसपछि किशोर आख्यानका आवश्यक तत्व, कथानक, पात्र, विचार, शैलीका बारेमा छलफल गरिएको थियो । केही प्रमुख किशोर आख्यान र लेखन शैलीबारे पनि स्रोतव्यक्ति कसजूले प्रकाश पार्नु भएको थियो । साथै केही किशोर आख्यानका भिडियो क्लिप पनि देखाइएको थियो ।

दोस्रो दिन नेपाली किशोरहरूका चासो र समस्याका विषयमा छलफल गरिएको थियो । केही प्रमुख विषयमा कसरी लेख्ने भन्ने पनि छलफल भयो । किशोर समस्यालाई स्पष्ट पार्ने प्रेस क्लिपिङहरूको फोटो पनि देखाइएको थियो । सहभागीहरूले आफ्नो किशोरावस्थाका अविस्मरणीय र महत्वपूर्ण घटना सुनाएपछि आआफूले लेख्ने विषयमा सामान्य रूपमा विचार र कथानकबारे छलफल भयो ।

कार्यक्रममा किशोर साहित्यका लागि उपयुक्त भाषा, शैली र विविध पक्षबारे भाषाविद् तथा बालसाहित्य र्सजक डा. चूडामणि बन्धु, प्राध्यापक तथा प्राज्ञ महादेव अवस्थी, बालसाहित्य समाजका अध्यक्ष रामबाबु सुवेदी, बालसाहित्य र्सजकहरू तथा साझा शिक्षार् इ-पाटीका सल्लाहकार ध्रुव घिमिरे, गीताकेशरी तथा हिरण्यकुमारी पाठकले स्रोतव्यक्तिका रूपमा महत्वपूर्ण विचार र सुझाव राख्नु भएको थियो ।

अन्त्यमा किशोर साहित्य लेखनका लागि गाइड र टिप्सहरूबारे चर्चा गरियो र किशोर साहित्य लेखनका लागि विषयवस्तु छान्ने र छानिएका विषयवस्तु कसरी लेख्ने, आख्यान लेखनका विविध पक्षबारे छलफल भयो ।

स्रोतव्यक्ति विनय कसजूले संकलन गर्नु भएको किशोर समस्या र किशोर साहित्यबारे विविध सामग्री, केही प्रसिद्ध किशोर आख्यानको सार र समीक्षा, किशोर समस्या र किशोर साहित्यबारे उहाँले तयार पार्नु भएका तीन कार्यपत्र तथा संकलन गरिएका भिडियो क्लिपहरू सीडीमा राखेर सहभागीहरूलाई स्वअध्यनका लागि वितरण गरिएको थियो ।

कार्यक्रममा छ जना सल्लाहकार, एक जना अतिथि, १२ जना लेखक प्रशिक्षार्थी तथा दर्ुइ जना संयोजक गरी २१ जना सहभागी हुनुहुन्थ्यो ।

यस विषयमा विस्तृत जानकारीका लागि यो ब्लगमा हर्ेन सक्नु हुन्छ ः -http://blog.olenepal.org/index.php/archives/390

काठमाडौँ, २०६७ फागुन ८ गते (२० फेब्रुअरी, २०११) दक्षिणकोरियाबाट केही बालसाहित्य र्सजकहरु नेपाल घुम्न आएका थिए । तिनीहरुमध्ये बालसाहित्यका नामी लेखिका र प्रकाशक पनि थिए । साथै बालसाहित्य लेख्ने बालबालिका पनि थिए । ती साना बालसाहित्यकारहरुले लेखेका रचनाहरुको नेपाली अनुवाद ‘हाम्रो बालबगैँचा’ बालपत्रिका पनि प्रकाशित भएका छन् । नेपाल भ्रमणमा आएका कोरियाली बालसाहित्यकारसँग पुसान आर्टिस्ट एसोसिएसनका अध्यक्ष हृवाङ सुन युल पनि आएका थिए । बीएसपी प्रकाशनले कोरियाली भ्रमण टोलीको सम्मानमा स्वागत कार्यक्रम आयोजना गरेको थियो । सो अवसरमा लु सन युल र कोरियाली लेखिकाहरुले नेपाल भ्रमणको अनुभव सुनाएका थिए । उनीहरुको भनाइ थियो, “नेपालीको मन प्रकृति जस्तै सफा रहेछ !”

नेपाल घुम्न अाएका कोरियाली बालसाहित्य सर्जकहरू

कार्यक्रममा प्रकाशनका अध्यक्ष डा. मुकेश चालिसे र बालबगैँचाका सल्लाहकार विनय कसजूले नेपालमा बालसाहित्यका पुस्तकहरुको प्रकाशनको अवस्थाबारे पाहुनाहरुलाई जानकारी गराउनु भएको थियो । बालबगैँचाका सम्पादक विजयराज आचार्य र सहसम्पादक श्यमकृष्ण खुलीमुलीले हाम्रो बालबगैँचा उपहार दिनु भएको थियो । प्रकाशनका तर्फाट विवेक सिर्जनशील प्रकाशनले प्रकाशित गरेको, पाँच जना कोरियाली बालसाहित्य र्सजकले लेखेको नेपालीमा मोहन कार्कीले अनुवाद गर्नु भएको पुस्तक कोरियाली बालकथा संग्रह र कोशीले लेख्नु भएको कोरियाली कविताको नेपालीमा अनुवाद भएको कविता संग्रह पुच्छ्रेतारा उपहार दिनु भएको थियो ।

कोरियाली लेखिकाहरुको भनाइ थियो, “अहिले कोरियाली बालबालिकाले धेरै सुविधा पाएका छन् । पहिलेको र अहिलेको पुस्तामा ठूलो भिन्नता छ । अहिलेका बालबालिकालाई कसरी असल र योग्य बनाउने भन्ने उद्देश्यले बालसाहित्य लेखिन्छ । सरकारले बालसाहित्यका पुस्तक किनेर सहयोग गर्छ । देशमा विश्वविद्यालय र कलेजहरु पाचसयभन्दा धेरै छन् । ती सबैमा पुस्तकालय छ । साथै देशभरि पन्ध्र हजार पुस्तकालय छन् ।”

उनीहरुको भनाइ थियोः कोरियामा बालसाहित्यका पुस्तक पहिलो संस्करण कम्तीमा तीन हजार प्रति छापिन्छ । सरकारले पहिलो संस्करणको तीन हजार किताब सबै किनिदिन्छ । त्यसपछि किताबको माग वा लोकप्रियताको आधारमा सरकारले थप किताब किन्छ । बजारमा विक्री हुने संख्या बेग्लैछ । यसैले कोरियाली बालसाहित्य र्सजकहरुको आम्दानी राम्रो छ । पहिला त्यस्तो थिएन । सरकारले सहयोग गरेको हुनाले नै बालसाहित्यमा गुणस्तरीय साहित्य सिर्जना गर्न र राम्रा लेखकहरुलाई बालसाहित्यमा तान्न सफल भएको हो ।

स्रोतः हाम्रो बालबगैँचा मासिक, चैत्र, २०६७

काठमाडौँ मंसिर ५ गते । नेपाल प्रज्ञाप्रतिष्ठान साहित्य (समालोचना, निवन्ध एवं बालसाहित्य) विभागले बालसाहित्य संगोष्ठीको आयोजना गरेको थियो । गोष्ठीमा बालकथा लेखक कृष्णदीप सिग्देलले ‘बालसाहित्यका समयुगीन प्रवृत्ति तथा प्रचलनहरू’ विषयमा कार्यपत्र प्रस्तुत गर्नु भएको थियो । बालसाहित्य सर्जक विनय कसजूले सो कार्यपत्रमाथि टिप्पणी गर्नु भएको थियो ।

दोस्रो कार्यपत्र डा. कुसुमाकर न्यौपानेले ‘पोखरेली गन्धर्व जातिमा प्रचलित बाललोकगीत’ विषयमा प्रस्तुत गर्नु भएको थियो । उहाँले सो कार्यपत्रलाई सघाउने

'बालसाहित्यका समयुगीन प्रवृत्ति तथा प्रचलनहरू' विषयमा गोष्ठी

भिडियो अंशहरू पनि प्रस्तुत गर्नु भएको थियो । सो कार्यपत्रमाथि समालोचक डा. जीवेन्द्र देव गिरीले टिप्पणी गर्नु भएको थियो । कार्यक्रममा सहभागीहरूले दुबै कार्यपत्रहरूमा भएका कमी कमजोरीहरू औँल्याउँदै सुझावहरू दिनु भएको थियो । बालसाहित्य सर्जक डा. चूडामणि बन्धुले नेपाली बालसाहित्यका प्रवृत्तिहरूको चर्चा गर्दै नयाँ प्रवृत्तिको अध्ययन गर्नु पर्ने सुझाव दिनु भएको थियो ।

प्राज्ञ कथाकार माया ठकुरीको अध्यक्षतामा भएको सो गोष्ठीमा नेपाल प्रज्ञाप्रतिष्ठानका कुलपति प्रमुख अतिथि हुनुहुन्थ्यो । साथै उपकुलपति र प्राज्ञहरूको सपस्थिति थियो ।

वरिष्ठ गीतकार दुर्गालाल श्रेष्ठलाई सम्मान

काठमाडौँ, मंसिर ४ गते । २१ औँ अन्तरराष्ट्रिय बालअधिकार दिवस तथा २३ औँ सिविन वाषिर्कोत्सवको अवसरमा आयोजित समारोहमा बालसाहित्यमा विशिष्ट योगदान पुर्याउने वरिष्ठ गीतकार दुर्गालाल श्रेष्ठलाई समाराहको प्रमुख अतिथि सभामुख सुभाष नेम्बाङले दोसल्ला ओढाएर सम्मान गर्नु भयो ।

सो अवसरमा श्री नेम्बाङले गीतकार दुर्गालाल श्रेष्ठको रचना तथा संगीतकार न्हृयु बज्राचार्यबाट संगीतबद्ध बालबालिकाको विषयमा तयार पारिएको गीती अल्बम लोकार्पण गर्नु भएको थियो । साथै बालसाहित्य सर्जक विनय कसजूका

विनय कसजूका बालकथाहरूको सुन्ने सीडी (अडियो सीडी) पनि सार्वजनिक

बालकथाहरूको सुन्ने सीडी (अडियो सीडी) पनि सार्वजनिक गरिएको थियो ।

‘स्माइल प्लिज’ नामक सो सुन्ने सीडीमा बीस वटा बालकथा छन् । यो संग्रह बालसंसार प्रा.लि. र सिविनले मिलेर तयार पारिएको हो । सीडीमा रेकर्ड गरिएका कथाहरूको वाचन मिलन तिमिल्सिना र उहाँका साथीहरूले गर्नु भएको छ । सीडीमा सुन्ने कथा नेपाली बालसाहित्यमा दोस्रो हो । पहिलो सुन्ने कथाको सीडी ‘भालुको बगैँचा’ पनि विनय कसजूले नै लेख्नु भएको थियो जो तीन वर्षघि सिविनद्वारा यही दिनमा सार्वजनिक गरिएको थियो ।

स्माइल प्लिज सुन्ने कथाको सीडी सार्वजनिक

यो सीडी सिविन र  बालसंसार प्रा.लि.द्वारा निर्माणा गिरएको हो । यसमा भएका बालकथाहरू बालसंसार प्रा.लि.ले प्रकाशन गरेको पुस्तक स्माइल प्लिज कथा संग्रहमा छन् ।

यो सीडीमा २० वटा बालकथा छन्र । यसमा भएका कला स्माइल प्लिज नामक कथा संग्रहमा प्रकाशित छन्र ।

सौरभकिरण श्रेष्ठलाई 'पारिजात बालसाहित्य पाण्डुलिपि पुरस्कार'

ललितपुर कार्तिक २९ गते । पारिजात बालसाहित्य पाण्डुलिपि पुरस्कार समितिले २०६६ सालको पुरस्कार बालसाहित्य सर्जक सौरभकिरण श्रेष्ठलाई प्रदान गरेको छ । पन्ध्र हजार रुपैयाँको सो पुरस्कार उहाँको ‘मेरो गिफ्ट राम्रो गिफ्ट’ बालकथा संग्रहको पाण्डुलिपिका लागि प्रदान गरिएको हो । उक्त पुरस्कार संयोजक इन्दिरा दलीको अध्यक्षतामा पाटनढोकास्थित यलमाया केन्द्रमा आयोजित समारोहमा बालसाहित्य सर्जक डा. चूडामणि बन्धुले हस्तान्तरण गर्नु भएको थियो । पुरस्कार निर्णायकहरूमा साहित्यकारहरू भिक्टर प्रधान, खगेन्द्र संग्रौला र कनकमणि दीक्षित हुनुहुन्थ्यो ।

पुरस्कार वितरण कार्यक्रम

काठमाडौँ भदौ २९ गते । राष्ट्रिय बालदिवसको अवसरमा इच्छा युवा समाज जाउलाखेलले ललितपुर जिल्लाको दक्षिणी भेकमा पर्ने चम्पादेवी, देवीचौर र धुसाल गाविसका विद्यालयहरूका विद्यार्थीहरूबीच अन्तर विद्यालय निवन्ध, चित्रकला, हाजिरीजवाफ र वक्तृत्वकला प्रतियोगिता आयोजना गरेको थियो । ‘हाम्रो बालबगैँचा’ मासिकले निवन्ध प्रतियोगिताको प्रायोजन गरेको थियो ।

पुस्तक हस्तान्तरणा

भीमसेन माविमा भएको पुरस्कार वितरण समारोहमा प्रमुख अतिथि बालसाहित्य सर्जक विनय कसजूले विजयी सहमागीहरूलाई प्रमाणपत्र र पुरस्कार वितरण गर्नु भएको थियो । कार्यक्रममा निवन्ध प्रतियोगिताका निर्णायक तथा बालसाहित्य सर्जक तेजप्रकाश श्रेष्ठ, हाम्रो बालबगैँचाका सम्पादक तथा बालसाहित्य सर्जक विजयराज आचार्य, बालसाहित्य सर्जक गंगा कसजू, इच्छा युवा समाजका अध्यक्ष प्रभात पौडेल तथा विभिन्न विद्यालयका प्रधान अध्यापक तथा शिक्षक र विद्यार्थीहरूको उपस्थिति थियो ।  सो अवसरमा इलाकाका सबै विद्यालयहरूका लागि बालकथाको पुस्तक ‘विनय कसजूका १०० बालकथा’ लेखकले स्रोतकेन्द्रका प्रमुखमार्फत उपहार दिनु भएको थियो ।